Kosið verður til stjórnar SSF á þingi samtakanna dagana 20.-21. mars 2025. Allir fullgildir félagsmenn í SSF geta gefið kost á sér.  Atkvæðisrétt hafa kjörnir þingfulltrúar aðildarfélaganna.  Kosið er til þriggja ára.  Í 26. grein samþykkta SSF segir:

„Stjórnina skipa 9 aðalmenn. Kjósa skal formann og 1. og 2. varaformann hvern fyrir sig, en síðan 6 meðstjórnendur úr hópi þeirra félagsmanna sem boðið hafa sig fram til stjórnarsetu samanber 20. gr. samþykkta SSF.

Tryggja skal að hlutfall hvors kyns í stjórn sé ekki lægra en 40% og tryggja skal að formenn séu ekki allir af sama kyni.

Kjörnefnd skal sjá um framkvæmd kosninga og gæta þess við talningu atkvæða að kynjahlutföll séu í samræmi við þetta ákvæði.

Kjörnefnd skal jafnframt leitast við að framboð til stjórnar sé í samræmi við kynjahlutföll.“

Einungis er heimilt að bjóða sig fram til tveggja embætta.

Þeir aðilar sem hyggjast bjóða sig fram til stjórnar þurfa að fylla út ,,Tilkynningu um framboð“ og senda skannað eintak ásamt passamynd á netfangið [email protected] eða afhenda á skrifstofu SSF Nethyl 2E, 110 Reykjavík í síðasta lagi fyrir lok dags 19. febrúar 2025.

,,Tilkynningu um framboð“ má nálgast á eftirfarandi slóð: Tilkynning um framboð

Kjörnefnd hvetur öll kyn til að bjóða sig fram.

Þeim sem óska frekari upplýsinga um stjórnarkjörið eða tilkynningu um framboð er bent á að hafa samband við kjörnefnd á netfangið [email protected].  Í kjörnefnd sitja Þórhallur Valur Benónýsson fyrir hönd Trúnaðarmannaráðs Arion banka sem jafnframt er formaður kjörnefndar, Marteinn Stefánsson fyrir hönd Félags starfsmanna Landsbanka Íslands, Þórey Jónína Jónsdóttir fyrir hönd Stafsmannafélags Íslandsbanka, Þröstur Laxdal Atlason fyrir hönd Stafsmannafélags Seðlabankans og Margrét Bragadóttir fyrir hönd SSF.